പ്രമുഖ നഗരത്തില്‍ ബാങ്ക് കവര്‍ച്ച - ന്യൂസ് റിപ്പോര്‍ട്ട്

By Satheesh Babu C

പ്രമുഖ നഗരത്തിൽ നടന്ന ബാങ്ക് കവർച്ചയെ കുറിച്ച് പ്രമുഖ മാധ്യമങ്ങളുടെ വാർത്തകൾ


മനോരമ

...നഗരത്തിൽ ബാങ്ക് കവർച്ച (2കോളം വാർത്ത)

മോഷ്ടാവ് ബാങ്കിൽ കടന്നത് ഇങ്ങനെ (നടുപേജിൽ)
ചിത്രം1) മോഷ്ടാവ് സൈക്കിളിൽ വരുന്നു
ചിത്രം2) അടുത്തുള്ള പൊന്തക്കാട്ടിൽ വാഹനം ഉപേക്ഷിച്ച ശേഷം 3 മിനിറ്റ് സമയമെടുത്ത് മൂത്രം ഒഴിക്കുന്നു.
ചിത്രം3) ..ബാങ്കിനുള്ളിലേക്ക്
ചിത്രം4) ..അതി വിദഗ്ധമായി കക്കുന്നു
ചിത്രം5) വീണ്ടും പുറത്തേക്ക്
ചിത്രം 6) പൊന്തക്കാട്ടിലേക്ക്.....സൈക്കിളെടുത്ത് സ്ഥലം വിടുന്നു

മോഷ്ടാവിന്റെ ഇഷ്ടനടൻ മമ്മൂട്ടി, ഇഷ്ട സിനിമ CID മൂസ, ഇഷ്ട ഭക്ഷണം പപ്പടവട.

മാതൃഭൂമി

..പ്രമുഖ ബാങ്കിൽ മനസാക്ഷിയെ ഞെട്ടിച്ച കവർച്ച.മോഷ്ടാവിന് സഹായമായത് സെക്യൂരിറ്റിയുടെ ഉറക്കം
..
..(നടുപേജിൽ) ഉറക്കം തൂങ്ങലിനും ഉന്മേഷക്കുറവിനും പഴങ്കഞ്ഞി: പ്രശസ്ത നാട്ടുവൈദ്യൻ ഡോ:അറിയാത്ത പിള്ളയുടെ ശാസ്ത്രീയ ലേഖനം

ദേശാഭിമാനി

നഗരത്തിൽ മോഷ്ടാക്കളുടെ വിളയാട്ടം .പ്രമുഖ ബാങ്ക് കൊള്ളയടിച്ച പ്രതിയെ ഇനിയും പിടികൂടാനായിട്ടില്ല.മുൻ ലീഗ് സ്ഥാനാർഥി ബീരാന്‍കുട്ടിയുടെ മൂത്ത അളിയന്റെ അടുത്ത സുഹൃത്തായ റഹീമിന്റെ മൂത്താപ്പയുടെ അയാൽക്കാരനാണ് ബാങ്ക് കൊള്ളയ്ക്ക് പോലീസ് തിരയുന്ന അയമുട്ടി.അതിനാൽ തന്നെ ലീഗിന്റെ പങ്ക് ഇതിൽ വ്യക്തമാണെന്ന് പാർട്ടി സെക്രട്ടറി ആരോപിച്ചു. പൊലീസിന് അന്നേദിവസം കൃത്യം നടക്കുന്ന സമയത്ത് വീഴ്ച പറ്റിപ്പോയതിനാലാണ് ഇത് സംഭവിച്ചത് .എല്ലാ ദിവസവും പോലീസിന് ഈ സമയത്ത് വീഴച്ച ഉണ്ടാവാറുണ്ടെന്നും എന്നാൽ മനോവീര്യം കൂട്ടിയ ശേഷം ഉടൻതന്നെ പ്രതിയെ പിടുകൂടുമെന്നും അദ്ദേഹം അറിയിച്ചു.

ചന്ദ്രിക

..നഗരത്തിൽ ബാങ്ക് കവർച്ച നടുക്കം വിട്ടുമാറാതെ ജനങ്ങൾ ( അര കൊളം വാർത്ത +ഒരു ഓഞ്ഞ ബ്ലാക് &വൈറ്റ് ഫോട്ടോ)
തിന്മകൾ പെരുകുമ്പോൾ - ഉസ്താത് വലിയാതൊള്ള ഖാദിമിയുടെ ലേഖനം (ഫുൾ പേജ് )

ജന്മഭൂമി

..നഗരത്തിൽ ബാങ്കിൽ തീവ്രവാദി ആക്രമണം.ശബ്ദം പോലും പുറപ്പെടിവിക്കാത്ത തരം വാഹനത്തിൽ ബാങ്കിന്റെ പരിസരത്തെത്തിയ തീവ്രവാദി ,ബാങ്കിൽ കടന്നശേഷം താൻ ചാവേറായി പൊട്ടിത്തെറിക്കുമെന്ന് ഭീഷണി മുഴക്കി 25 കോടി രൂപയോളം കവർന്നു. ISIS എന്ന് തോന്നിപ്പിക്കും വിധം ഗോഷ്ടികൾ കാണിച്ച അക്രമി ഏറെ നേരം ഭീതി പരത്തി..ഉറക്കം നടിച്ചു കവർച്ചയ്ക്ക് സഹായിച്ച സെക്യൂരിറ്റി മൊയ്തീന്റെ ISIS ബന്ധവും സംശയത്തിൽ...
ഇതിനിടെ ബാങ്കിലെ സീലിംഗ് അടർന്നു വീണ്‌ അവിടെ ശിവലിംഗം രൂപപ്പെട്ടത് ആശ്ചര്യത്തിനു വക നൽകി

മംഗളം

...നഗരത്തെ നടുക്കിയ ബാങ്ക് കവർച്ച .മോഷ്ടാവ് കുറ്റിക്കാട്ടിൽ മൂത്രമൊഴിക്കുന്ന ദൃശ്യം ഇതാ കണ്ടു നോക്കൂ ..കുട്ടികളെ മാറ്റാൻ മറക്കരുതേ (Adult only)

Comments

Post a Comment

Popular posts from this blog

ഡാവിഞ്ചിയുടെ കോഡ് - നോവല്‍

Image
By  Sreehari Sreedharan കേരളം പശ്ചാത്തലമാക്കി മലയാളത്തിൽ ഒരു ഡാൻ ബ്രൗൺ നോവൽ എഴുതിയാലോ എന്ന് ആലോചിക്കുന്നു. ആവശ്യത്തിനു ഡാൻ ബ്രൗൺ നോവലുകൾ ഇപ്പോഴും ഇറങ്ങുന്നില്ലേ (ഇട്ടിക്കോര എഹെം എഹെം ) എന്ന് ചോദിക്കരുത്. ഇത് അതിനേക്കാളൊക്കെ കരളലിയിപ്പിക്കുന്ന ഒരു നോവൽ ആയിരിക്കും. *** ജമാ അതെ ഇസ്ലാമി നടത്തുന്ന ശാസ്ത്രവും ഇസ്ലാമും എന്ന ദ്വിദിന സെമിനാർ അറ്റെൻഡ് ചെയ്യാൻ സർവശ്രീ റോബെർട് ലാങ്ഡോൺ മഞ്ചേരി സ്റ്റേഷനിൽ വന്നിറങ്ങുന്നതോടെ ആണ് നോവൽ ആരംഭിക്കുന്നത്. റൊബെർട് ലാങ്ഡോണിനോടൊപ്പം ഹാർവാർഡ് യൂണിവേഴ്സിറ്റിയിൽ സഹവിദ്യാർഥി ആയിരുന്ന, ഇപ്പോൾ ഹൈദരബാദ് യൂണിവേഴ്സിറ്റിൽ ഇസ്ലാം ആൻഡ് സബാൾട്ടേൺ സ്റ്റഡീസ് ഡിപാർട്മെന്റ് ഹെഡായ ഡോക്ടർ അഷ്കർ അലിയാണ് മുഖ്യ പ്രഭാഷകൻ. ഈ സെമിനാറിൽ ലോകത്തെ അമ്പരിപ്പിക്കുന്ന, ലോകത്തെ മാറ്റി മറിച്ച് ഉരുട്ടി പപ്പടമാക്കാൻ പോകുന്ന ഒരു ലോകസീക്രട്ട് പുറത്ത് വിടാൻ പോകുന്നു എന്ന് ഡോ. അഷ്കർ നേരത്തെ ലാങ്ഡോണിനോട് വാട്സാപ്പിൽ സൂചിപ്പിച്ചിരുന്നു. ഈ സീക്രട്ട് പുറത്ത് വന്നാൽ എല്ലാ വാക്സിൻ വിരുദ്ധരും ഒറ്റയടിക്ക് ഇളിഭ്യരാവുകയും ലോകത്ത് 100% എം.ആർ വാക്സിൻ കവറേജ് ലഭിക്കുകയും ചെയ്യും എന്നായിരുന്നു അഷ്കർ
Read more

ആരാണ് കേളു നായനാർ? "ഉറുമി 2" എന്തുകൊണ്ട് ഒരു രാജ്യദ്രോഹ സിനിമയാകുന്നു?

Image
By K S Binu അടുത്ത വർഷം ഡിസംബറിൽ പുറത്തിറങ്ങാനിരിക്കുന്ന ഉറുമി 2 എന്ന സിനിമ ഇതിനകം തന്നെ പുലിവാൽ പിടിച്ചു കഴിഞ്ഞിരിക്കുന്നു. കഥാനായകനായ ചിറയ്ക്കൽ കേളു നായനാർക്ക് അറയ്ക്കൽ ആയിഷ എന്ന സ്ത്രീയുമായി ഉണ്ടായിരുന്നതായി സ്ക്രിപ്റ്റ് പൂർത്തിയാക്കപ്പെട്ടിട്ടില്ലാത്ത ചിത്രത്തിൽ പറയപ്പെടുന്നു എന്ന് കരുതുന്ന ബന്ധമാണ് വിവാദങ്ങൾക്ക് കാരണം. ചിത്രത്തെ കുറിച്ച് നിർമ്മാതാവായ ടോമിയച്ചൻ മുളകുപാടം പ്രഖ്യാപിച്ച ദിവസം തന്നെ, ചിറയ്ക്കൽ കേളുനായനാരെ ദൈവമായി കരുതിപ്പോരുന്ന വടക്കൻ കേരളത്തിലെ ഒരു വിഭാഗം ആളുകൾ തുടങ്ങിവച്ച പ്രതിഷേധമാണ് കേരള നായനാർ മഹാ സഭ (KNMS) ഏറ്റെടുത്ത് ഇപ്പോൾ വമ്പിച്ച പ്രക്ഷോഭമായിരിക്കുന്നത്.   എന്താണ് ഈ ഒച്ചപ്പാടുകൾക്ക് കാരണം? അതറിയാൻ ആരാണ് കേളുനായനാർ എന്നറിയണം. പഴയ മലബാർ പ്രദേശത്ത് 15 - 16 നൂറ്റാണ്ടുകളിലായി ജീവിച്ചിരുന്ന ഒരു ധീര ദേശാഭിമാനിയായിരുന്നു അദ്ദേഹം. 1488-ൽ കോഴിക്കോട് കാപ്പാടിനടുത്ത് ഒരു കുഗ്രാമത്തിൽ ജനിച്ച്, ചിറയ്ക്കൽ രാജവംശത്തിന്റെ പടനായകൻ വരെ ആയിത്തീരുകയും വാസ്കോ ഡ ഗാമയ്ക്കെതിരെ യുദ്ധം നയിച്ച് വൈദേശികാക്രമണത്തിൽ നിന്ന് ജന്മനാടിനെ സംരക്ഷിക്കുകയും ചെയ്ത മഹാനായിരുന്നു കേളു നായനാർ. വ
Read more

സിനിമാ ജിഹാദ് - ഒരു സംഘവലോകനം

Image
By Vishnu R P Punnala ജിഹാദിയായ ഫാസിൽ സംവിധാനം ചെയ്തു ജിഹാദി സൂപ്പർ സ്റ്റാറായ മുഹമ്മദ് കുട്ടി നായകനായ "പപ്പയുടെ സ്വന്തം അപ്പൂസ്" എന്ന ചിത്രത്തിൽ ബാലതാരമായി അഭിനയിച്ചാണ് ഫഹദ് എന്ന ജിഹാദിയുടെ സിനിമാ പ്രവേശനം. ഒരു കൂട്ടം കുട്ടികളെ ഉൾപ്പെടുത്തിക്കൊണ്ടുള്ള "കാക്കാ പൂച്ച കൊക്കര" എന്ന ഗാനത്തിലാണ് ഫഹദ് ആദ്യമായി പ്രത്യക്ഷപ്പെടുന്നത്. ആ ഗാനത്തിൽ "കാക്കാ" എന്ന വാക്ക് ഉൾപ്പെടുത്തിയത് തന്നെ ഫഹദിന്റെ നിർബന്ധത്തിന് വഴങ്ങിയായിരുന്നെന്ന് വാപ്പയും സംവിധായകനുമായ ഫാസിൽ ഇപ്പോഴും ഓർത്തെടുക്കുന്നുണ്ട്. ഒൻപത് വയസ്സിൽ തന്നെ തന്റെയുള്ളിലെ "കാക്കാ" വികാരം പ്രകടിപ്പിച്ചിരുന്ന ഫഹദിന്റെ ജിഹാദിയിലേക്കുള്ള അകലം കയ്യെത്തും ദൂരത്തായിരുന്നു. അങ്ങനെ പത്തൊൻപതാം വയസ്സിൽ "കയ്യെത്തും ദൂരത്ത്" എന്ന ചിത്രത്തിലൂടെ ഫഹദ് നായകനായി മലയാള സിനിമയിൽ അവതരിച്ചു. ഫഹദ് എന്ന ജിഹാദിയുടെ വളർച്ചക്ക് സാക്ഷ്യം വഹിക്കാനായി ജിഹാദി സൂപ്പർ സ്റ്റാർ മുഹമ്മദ് കുട്ടി ഈ സിനിമയിലും തല കാണിച്ചു എന്നത് ശ്രദ്ധിക്കപ്പെടേണ്ട കാര്യമാണ്. ജിഹാദി ഫഹദിന്റെ വളർച്ച നാടിന് ദോഷം ചെയ്യുമെന്ന് മനസ്സിലാക്കിയ സംഘമിത്
Read more