പ്രസവ ശേഷം നിങ്ങള്‍ നേരിട്ടേക്കാവുന്ന പതിനൊന്നു ചോദ്യങ്ങളും അവയ്ക്കുള്ള ഉത്തരങ്ങളും.

By Nelson Joseph

1. ആങ്കുട്ട്യാ അല്ലേ? ഡബിൾ ചിലവ് വേണം ട്ടോ

• അതെന്താ ? പെണ്ണായാ ചിലവ് നിനക്ക് ഇറങ്ങൂല്ലേ?

2. കൊച്ച് കാണാൻ എങ്ങനുണ്ട്?

• ങാ, സാധാരണ മനുഷ്യക്കൊച്ചിനെപ്പോലൊക്കെ ഒണ്ട്

3. അതല്ല, നെറമൊക്കെ ഉണ്ടോന്ന്?

• ഇല്ല, ബ്ലാക്ക് ആൻഡ് വൈറ്റാ..

4. ഓ , സിസേറിയൻ ആയകൊണ്ട് വേദന ഒന്നും ഇല്ലാരിക്കൂല്ലോ

• ഇല്ല , അരക്കെട്ട് വികസിക്കാഞ്ഞതുകൊണ്ട് അഞ്ചാറ് മണിക്കൂറ് കിടന്നിട്ടും വേദന അറിഞ്ഞേയില്ല.. പിന്നെ ഡോക്ടറ് കീറിയത് പൂവിതളോണ്ടാരുന്നു..

5. പാല് കുറവാ അല്ലേ?

• എന്ത്യേ? മില്മായിൽ കൊടുക്കാന്ന് ഏറ്റിരുന്നോ?

6. മുറിവ് കരിയണേല് തിളച്ച വെള്ളത്തിൽ കുളിക്കണം

• കരിയണേൽ എന്ന് തന്നെ അല്ലേ? പുഴുങ്ങണേൽ എന്നല്ലല്ലോ..

7. ഇനി കുളിപ്പിക്കുമ്പൊ വേണം കൊച്ചിന്റെ തല ഉരുട്ടി എടുക്കാൻ

• തല ഉരുണ്ടുവന്നിട്ടെന്തിനാ... ഫുട്ബോൾ കളിക്കാനോ

8. കുഞ്ഞിന് മുടി കുറവായത് pregnancy il എരിവ് കഴിച്ചോണ്ടാ

• നിങ്ങടെ മോന്റെ തലേലും കഷണ്ടി തന്നല്ലേ? മുളകു മാത്രേ തിന്നാൻ കിട്ടിയൊള്ളൂ അല്ലേ?

9. ആശുപത്രിയിൽ ആയിട്ടാണ് സിസേറിയൻ ആയത്

• നന്നായി , ഇല്ലാരുന്നേൽ പണ്ടത്തെപ്പോലെ അമ്മേടേം കൊച്ചിന്റേം കാര്യം തീരുമാനമായേനെ.

10. പകല് ഒറങ്ങരുത്...

• ഓ, ആയ്ക്കോട്ടെ. രാത്രീൽ കൊച്ചിനെ നിങ്ങളോ മോനോ നോക്കിയാ മതി

11. അടുത്തത് എന്നാ?

• ഇതൊരു കോമ്പറ്റീഷൻ ഐറ്റം അല്ല...