സിനിമാ ജിഹാദ് - ഒരു സംഘവലോകനം

By Vishnu R P Punnala

ജിഹാദിയായ ഫാസിൽ സംവിധാനം ചെയ്തു ജിഹാദി സൂപ്പർ സ്റ്റാറായ മുഹമ്മദ് കുട്ടി നായകനായ "പപ്പയുടെ സ്വന്തം അപ്പൂസ്" എന്ന ചിത്രത്തിൽ ബാലതാരമായി അഭിനയിച്ചാണ് ഫഹദ് എന്ന ജിഹാദിയുടെ സിനിമാ പ്രവേശനം. ഒരു കൂട്ടം കുട്ടികളെ ഉൾപ്പെടുത്തിക്കൊണ്ടുള്ള "കാക്കാ പൂച്ച കൊക്കര" എന്ന ഗാനത്തിലാണ് ഫഹദ് ആദ്യമായി പ്രത്യക്ഷപ്പെടുന്നത്. ആ ഗാനത്തിൽ "കാക്കാ" എന്ന വാക്ക് ഉൾപ്പെടുത്തിയത് തന്നെ ഫഹദിന്റെ നിർബന്ധത്തിന് വഴങ്ങിയായിരുന്നെന്ന് വാപ്പയും സംവിധായകനുമായ ഫാസിൽ ഇപ്പോഴും ഓർത്തെടുക്കുന്നുണ്ട്. ഒൻപത് വയസ്സിൽ തന്നെ തന്റെയുള്ളിലെ "കാക്കാ" വികാരം പ്രകടിപ്പിച്ചിരുന്ന ഫഹദിന്റെ ജിഹാദിയിലേക്കുള്ള അകലം കയ്യെത്തും ദൂരത്തായിരുന്നു. അങ്ങനെ പത്തൊൻപതാം വയസ്സിൽ "കയ്യെത്തും ദൂരത്ത്" എന്ന ചിത്രത്തിലൂടെ ഫഹദ് നായകനായി മലയാള സിനിമയിൽ അവതരിച്ചു. ഫഹദ് എന്ന ജിഹാദിയുടെ വളർച്ചക്ക് സാക്ഷ്യം വഹിക്കാനായി ജിഹാദി സൂപ്പർ സ്റ്റാർ മുഹമ്മദ് കുട്ടി ഈ സിനിമയിലും തല കാണിച്ചു എന്നത് ശ്രദ്ധിക്കപ്പെടേണ്ട കാര്യമാണ്. ജിഹാദി ഫഹദിന്റെ വളർച്ച നാടിന് ദോഷം ചെയ്യുമെന്ന് മനസ്സിലാക്കിയ സംഘമിത്രങ്ങൾ അന്ന് ഫഹദിന്റെ സിനിമ ബഹിഷ്‌ക്കരിച്ചതിലൂടെ സിനിമ എട്ട് നിലയിൽ പൊട്ടുകയും ഫഹദിന് ആട് മേക്കാനായി സിറിയയിലേക്ക് പോകേണ്ടി വരുകയും ചെയ്തു. പിന്നീട് സംഭവിച്ചത് ചരിത്രമാണ്.

വർഷങ്ങൾ നീണ്ടു നിന്ന ട്രെയിനിങ്ങിനു ശേഷം മലയാള സിനിമയിലേക്ക് ഫഹദ് തിരികെ വന്നു. "കേരളാ കഫെ" യിലെ ഒരു ഭാഗമായ "മൃത്യുഞ്ജയം" എന്ന ചെറു കഥയിൽ ജേർണലിസ്റ്റ് ആയി വന്ന് ഹിന്ദു സംസ്കാരങ്ങളെ അപഹേളിക്കാനും പഴക്കം ചെന്ന ഒരു മനയിലെ ഹിന്ദു പെൺകുട്ടിയെ വളച്ച് ലവ് ജിഹാദിയാക്കാനും ശ്രമം നടത്തിയെങ്കിലും സംഘമിത്രങ്ങളുടെ ഇടപെടലിലൂടെ ആ ചിത്രത്തിൽ ജിഹാദി ഫഹദിനെ കൊല്ലാൻ സംവിധായകൻ നിർബന്ധിതനായി. ആർഷഭാരത സംസ്കാരത്തിന് നിരക്കാത്ത പ്രവർത്തികൾ ഉൾപ്പെടുത്തിക്കൊണ്ടുള്ള ചാപ്പാ കുരിശായിരുന്നു അടുത്ത ജിഹാദി ചിത്രം. ഹിന്ദു യുവതിയായ രമ്യ നമ്പീശനെ രണ്ട് മിനിറ്റിൽ പുറത്ത് ചുണ്ടിൽ ഉമ്മ വെച്ച്‌ ശ്വാസം മുട്ടിച്ച് കൊല്ലാൻ ശ്രമിക്കുകയും ചെയ്ത ജിഹാദിയുടെ മുഖം മലയാളികൾ ഒരിക്കലും മറക്കുകയില്ല. അതിർത്തിയിലെ കൊടും തണുപ്പത്ത് രാജ്യത്തിന് വേണ്ടി കാവൽ നിൽക്കാൻ യുവാക്കൾ മുൻപോട്ട് വന്നിരുന്ന കാലത്ത്, അവർക്ക് പ്രചോദനം നൽകാനായി ലാലേട്ടന് ലെഫ്റ്റണന്റ് കേണൽ പദവി നൽകി ആദരിക്കുകയുണ്ടായി. അതിനെ അപഹേളിച്ച് കൊണ്ട് ഇറക്കിയ ചിത്രമായ "പദ്മശ്രീ ഭരത് ഡോക്ടർ സരോജ് കുമാർ" ൽ ഫഹദ് മുൻ പന്തിയിലുണ്ടായിരുന്നു.

ഇരുപത്തിരണ്ട് വയസ്സ് മാത്രം പ്രായമുള്ള ഒരു കൃസ്ത്യൻ പെൺകുട്ടിയെ പീഢിപ്പിക്കുകയും അവളെ മറ്റൊരാൾക്ക് കാഴ്ച്ച വെക്കുകയും ചെയ്യുന്ന "22 ഫീമെയിൽ കോട്ടയം" എന്ന സിനിമയിൽ അഭിനയിക്കുക വഴി ഫഹദിന്റെ സംസ്കാരം കേരള സമൂഹം തിരിച്ചറിഞ്ഞതാണ്. ജീവിതത്തിൽ ലവ് ജിഹാദ് നടപ്പിലാക്കിയ ഈ സിനിമയുടെ സംവിധായകനും പ്രധാന ജിഹാദിയുമായ ആഷിഖ് അബുവാണ് പിന്നീട് ഫഹദിന്റെ വഴികാട്ടിയായി മാറിയത്. മൂന്ന് പെൺകുട്ടികളെ സ്നേഹിച്ച് വഞ്ചിക്കുന്ന നായകനായി അഭിനയിക്കാൻ കിട്ടിയ അവസരം ഉപയോഗപ്പെടുത്തി "ഡയമണ്ട് നെക്ലേസ്" എന്ന സിനിമയിൽ അഭിനയിക്കുകയും അതിന്റെ ഭൂരിപാകം ചിത്രീകരണങ്ങളും മുസ്ലിം രാജ്യമായ യു.എ.ഇ. യിലേക്ക് മാറ്റിച്ചതിന് പിന്നിലും ജിഹാദി ഫഹദായിരുന്നു. ഒരു ടൗണിൽ എത്തിപ്പെടുന്ന ഒരുപാട് മനുഷ്യരുടെ ജീവിതത്തിൽ ഒരു ദിവസം സംഭവിക്കുന്ന കഥ പറയുന്ന സിനിമക്ക് "ഫ്രൈഡേ" എന്ന് പേരിടണം എന്നതും ഫഹദിന്റെ നിർബന്ധമായിരുന്നു എന്ന് പിന്നീട് സംവിധായകൻ വെളിപ്പെടുത്തിയിട്ടുണ്ട്. ബോക്സ് ഓഫീസിൽ വിജയം കൈവരിച്ച അന്നയും റസൂലും എന്ന ചിത്രത്തിൽ ക്രിസ്ത്യൻ യുവതിയുടെ പുറകേ നടന്ന് വളക്കാൻ ശ്രമിക്കുന്ന മുസ്ലിം യുവാവായ കഥാപാത്രം ഫഹദിന്റെ കയ്യിൽ വളരെ സുരക്ഷിതമായിരുന്നു.

കേരളത്തിൽ വളർന്ന് കൊണ്ടിരിക്കുന്ന ചുവപ്പ് ജിഹാദികളുടെ വക്താവായി "റെഡ് വൈൻ" എന്ന സിനിമയിലൂടെ ഫഹദ് തന്റെ തനി നിറം പുറത്ത് കാട്ടിയതാണ്. "ഹറാം" എന്ന പേരാണ് സിനിമക്കെന്ന് തെറ്റിദ്ധരിച്ച് ഡേറ്റ് കൊടുക്കുകയും പിന്നീട് "ഹരം" എന്നാണെന്നറിഞ്ഞപ്പോൾ ഷുഭിതനായി സിനിമയിൽ നിന്നും പിന്മാറാൻ ശ്രമിക്കുകയും ചെയ്ത ഫഹദിനേക്കുറിച്ചുള്ള വാർത്ത സുദർശനം പുറത്ത് വിട്ടിട്ടുണ്ട്. ഫഹദിന്റെ ക്യാരിയറിലെ തന്നെ ഏറ്റവും മികച്ച ചിത്രമായ "മഹേഷിന്റെ പ്രതികാരം" അയാളുടെ സ്വഭാവ വൈകൃതങ്ങൾ തുറന്ന് കാട്ടുന്നതാണെന്നും സുദർശനം പറയുകയുണ്ടായി. ഇടുക്കിയിലെ ഒരു ഗ്രാമത്തിൽ സ്റ്റുഡിയോ നടത്തുന്ന മഹേഷ് ഭാവനയുടെ സ്ഥിരം പരിപാടിയായിരുന്നു ഒളിഞ്ഞിരുന്നു പെൺകുട്ടികളുടെ സമ്മതം കൂടാതെ അവരുടെ ഫോട്ടോ പിടിക്കുന്നത്. ഒരിക്കൽ ഫോട്ടോ എടുക്കുന്നതിനിടയിൽ പിടിക്കപ്പെടുകയും പെൺകുട്ടിയുടെ സഹോദരൻ മഹേഷിന്റെ കൂമ്പിടിച്ച് വാട്ടുകയും ചെയ്യുന്നുണ്ട്. അതിന് പകരം വീട്ടാനായി ചിത്രത്തിന്റെ അവസാനം വരെ ചെരുപ്പിടാതെ കാത്തുനിൽക്കുന്ന നായക കഥാപാത്രത്തെയാണ് ഫഹദ് അവതരിപ്പിച്ചത്. സ്വാതന്ത്ര്യം നേടാനായി ബ്രിട്ടീഷുകാർക്ക് മാപ്പ് എഴുതി കൊടുക്കുകയും അവരുടെ ഷൂ നക്കി കൊടുക്കുകയും ചെയ്യുന്നതിന് പകരം വഞ്ചകനായി അവർക്കെതിരെ യുദ്ധം ചെയ്യാൻ തയ്യാറായി അതിന്റെ പേരിൽ പുറത്താക്കപ്പെട്ട റോയൽ നേവൽ ഓഫീസറായിട്ടാണ് ഫഹദ് ഇയോബിന്റെ പുസ്തകത്തിൽ അഭിനയിച്ചിരിക്കുന്നത്. "ടേക്ക് ഓഫ്" വളരെ റീയലിസ്റ്റിക്ക് ആയി ചിത്രീകരിക്കാൻ സഹായിച്ചത് ഫഹദിന് ഐ.എസ്.ഐ.എസ് ആയിട്ടുള്ള അടുത്ത ബന്ധമാണെന്ന് സിനിമയിലെ അണിയറ പ്രവർത്തകർ വെളിപ്പെടുത്തിയതായി ജനം ടീവിയും റിപ്പോർട്ട് ചെയ്തിട്ടുണ്ട്.

ഇത്രയൊക്കെ ചെയ്ത ശേഷം ദേശീയ അവാർഡ് ചടങ്ങ് കൂടി ബഹിഷ്‌ക്കരിച്ച ജിഹാദി ഫഹദിന്റെ ഇനിയുള്ള ഒറ്റ സിനിമകളും വിജയിക്കാൻ സംഘം അനുവദിക്കില്ല. കളി ബേണ്ട മോനെ ജിഹു, സംഘം മെസ്സ് ആണ്...